ភ្នំពេញ៖ សហគមន៍នេសាទការពារព្រៃលិចទឹកបឹងរាំង ស្រុកព្រៃនប់ ខេត្តព្រះសីហនុ ទទួលបានជំនួយឥតសំណងប្រមាណ ៣ម៉ឺនដុល្លារ ពីគម្រោងពិពិធកម្មកសិកម្មកម្ពុជា(CASDP) នៃក្រសួងកសិកម្ម ដើម្បីជាទុនបដិភាគចំនួន ៤០%ដល់សហគមន៍ សម្រាប់ប្រើប្រាស់វិនិយោគចិញ្ចឹមត្រីឆ្ពុងចំនួន ១៣៨បែ ដែលនឹងបង្កើនសមត្ថភាពឱ្យសហគមន៍អាចពង្រីកផលិតកម្មត្រីឆ្ពុង ក្នុងបរិមាណជាមធ្យម ៥០តោន/ឆ្នាំ។

សហគមន៍នេះ គឺជាសហគមន៍វារីវប្បកម្មដំបូងគេ ដែលត្រូវបានគាំទ្រដោយគម្រោងពិពិធកម្ម ហើយក្រុមការងារក៏កំពុងសិក្សាពិនិត្យលទ្ធភាពប្រែក្លាយសហគមន៍នេះ ឱ្យទៅជាសហគមន៍កសិកម្មទំនើបសម្រាប់ការធ្វើវារីវប្បកម្មផងដែរ ដោយផ្តោតលើការផ្គត់ផ្គង់ធាតុចូលរួមគ្នា និងការលក់លក់គ្នាក្រោមកិច្ចសន្យាទីផ្សារតែមួយផងដែរ៕