ភ្នំពេញ៖ វិទ្យាស្ថានជាតិពាណិជ្ជសាស្ត្រ (NIB) នៃក្រសួងការងារ និងបណ្ដុះបណ្ដាលវិជ្ជាជីវៈ បានសហការជាមួយក្រុមហ៊ុនធំៗចំនួន៥ ដើម្បីផ្ដល់ឱកាសការងារចំនួន ២ ៤៦៣​ កន្លែង ​​ដល់​ពលករ​ខ្មែរ​ដែល​ទើប​វិល​ត្រឡប់​មក​ពីប្រទេ​សថៃ។ នេះបើតាមការចុះផ្សាយរបស់ក្រសួងការងារ កាលពីថ្ងៃទី២៤ ខែសីហា ឆ្នាំ២០២៥។

ជាមួយគ្នានេះ អ្នកស្រី ផល សុខលី ដែលជាពលករខ្មែរដែលទើបវិលត្រឡប់មកពីប្រទេសថៃ មាន​ស្រុក​កំណើត​នៅខេ​ត្តបន្ទាយ​មាន​ជ័យ បានទទួល​​ការងា​រថ្មី​តាម​រយៈ​មក​សម្ភាស​នៅ​វិទ្យា​ស្ថា​ន​ជាតិ​ពាណិជ្ជសាស្ត្រ បានលើកឡើងថា៖ «ខ្ញុំពិត​ជាសប្បាយ​ចិត្ត​ខ្លាំង​ណា​ស់ ដែល​ទទួល​បានកា​រ​ងារ​ថ្មី ហើយខ្ញុំសូមថ្លែង​អំណរ​គុណដ​ល់រាជរ​ដ្ឋាភិ​បាល ដែលបា​នជួយ​រកកា​រ​ងា​រ​ដល់​ខ្ញុំ ក៏ដូចជា​ពល​ករខ្មែរដ​ទៃទៀតផង​ដែរ»។​

ពលក​រខ្មែរមួយរូបទៀតដែលទើបត្រឡប់មក​ពីប្រទេស​ថៃ ក៏ទទួលបា​នឱកាស​ការ​ងារ​ថ្មីភ្លាម​ដែរ តាមរ​យៈការសម្ភាសនៅវិទ្យា​ស្ថាន​ជាតិ​ពាណិជ្ជ​សាស្ត្រ បាន​និយាយ​ថា អ្នកស្រី​សប្បាយ​រីករាយយ៉ា​ងខ្លាំ​ង ដោយមានការ​យកចិត្តទុក​ដាក់ពី​ទីភ្នាក់​ងារជាតិ​មុខ​របរ និងការងារ (NEA) នៃក្រសួង​ការ​ងារ និងបណ្តុះប​ណ្តាលវិ​ជ្ជា​ជីវៈ៕