ភ្នំពេញ៖ «សហគមន៍កសិកម្មទំនើបម្រេចមេមត់» ខេត្តត្បូងឃ្មុំ សម្រេចបានប្រាក់ចំណូលលើសពីការរំពឹងទុកជាង ២២០០លានរៀល ក្នុងរដូវកាលប្រមូលផលជុំទី១។ នេះបើតាមការចុះផ្សាយរបស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ។

ឯកឧត្តម ឃឹម ហ្វីណង់ ក៏បានបញ្ជាក់ កាលពីថ្ងៃទី២២ ខែសីហា ឆ្នាំ២០២៥ នេះថា សហគមន៍កសិកម្មទំនើបម្រេចមេមត់ បានចុះកិច្ចព្រមព្រៀងហិរញ្ញប្បទានបំពេញបន្ថែមជាមួយគម្រោងពិពិធកម្មកសិកម្មកម្ពុជា (CASDP) និងទទួលបានជំនួយឥតសំណងពីគម្រោង CASDP ១១ម៉ឺនដុល្លារផងដែរ។

ឯកឧត្តម ឃឹម ហ្វីណង់ ក៏សម្រេចបន្ថែមសមាជិកថ្មីចំនួន ២៥គ្រួសារ និងពង្រីកផែនការអាជីវកម្មឆ្នាំថ្មីកើនដល់ទំហំ ១,២លានដុល្លារ ដោយទទួលបានកម្ចីឥណទានការប្រាក់ទាប ១០០% ពីធនាគារដៃគូ ជាមួយនឹងការចុះកុងត្រាលក់ម្រេចសហគមន៍ទុកជាមុនក្នុងតម្លៃលើសពីទីផ្សារ៕