ភ្នំពេញ៖ ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ចុះសិក្សា តាមបណ្តាសហគមន៍ក្នុងតំបន់ ឆ្នេរនៃខេត្តព្រះសីហនុ និងខេត្តកំពត ក្នុងគោលបំណង ពិនិត្យលទ្ធភាពប្រែក្លាយទៅជា «សហគមន៍កសិកម្មទំនើប» ជាពិសេសសម្រាប់ការចិញ្ចឹមត្រី ឆ្ពុង-ត្រីតុកកែ នៅក្នុង សមុទ្រទ្រង់ទ្រាយបែបពាណិជ្ជកម្ម។

យោងតាមទំព័រហ្វេសប៊ុកផ្លូវការ ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម បានបញ្ជាក់ថា កម្មវិធីប្រែក្លាយ សហគមន៍ក្នុងតំបន់ ទៅជាសហគមន៍កសិកម្មទំនើបនេះ មានការចូលរួមពីថ្នាក់ដឹកនាំនៃក្រសួងដែនដីនិងក្រសួងកសិកម្ម ក្រុមការងារនៃគម្រោងពិពិធកម្មកសិកម្មកម្ពុជា-CASDP គម្រោងLASED3 និងតំណាងធនាគារពិភពលោកផងដែរ។ រូបភាព៖ ឯកឧត្តម ឃឹម ហ្វីណង់