ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) នៃក្រសួងពាណិជ្ជកម្ម សាខាខេត្តកំពង់ធំ បានរឹបអូស និងដុតកម្ទេចចោលនូវ ចង្រិត ឌុកឌឿ ជង្គង់មាន់ និងត្រីសាម៉ុន ចំនួន ១,០៥៨ គីឡូក្រាម កាលពីថ្ងៃទី២០ ខែកុម្ភៈ ឆ្នាំ២០២៥។

តាមការចុះផ្សាយរបស់អគ្គនាយកដ្ឋាន ក.ប.ប. ទំនិញទាំងអស់នោះ គឺជាទំនិញខូចគុណភាព និងមានការដឹកជញ្ជូនពុំត្រឹមត្រូវតាមលក្ខណៈបច្ចេកទេស ធ្វើឱ្យក្រុមការងារចម្រុះបានធ្វើកំណត់ហេតុដកហូត និងស្នើសុំទៅព្រះរាជអាជ្ញា ដើម្បីធ្វើការដុតកម្ទេចចោល តាមនីតិវិធីជាធរមាន៕