ភ្នំពេញ៖ ឯកឧត្តមរដ្ឋមន្ត្រី ឌិត ទីណា ក្រសួងកសិកម្ម រុក្ខាប្រមាញ់ និងនេសាទកម្ពុជា និងឯកឧត្តម Trinh Viet Hung រដ្ឋមន្ត្រីក្រសួងកសិកម្ម និងបរិស្ថានវៀតណាម បានឯកភាពគ្នាជំរុញការធ្វើកសិ-ពាណិជ្ជកម្មរវាងប្រទេសទាំងពីរ សំដៅលើកកម្ពស់កំណើនទំហំពាណិជ្ជកម្ម និងផ្តល់អត្ថប្រយោជន៍ជូនប្រជាកសិករឱ្យកាន់តែច្រើន។

ក្នុងជំនួបនៅថ្ងៃទី១០ ខែមិថុនា ឆ្នាំ២០២៦ ឯកឧត្តមរដ្ឋមន្ត្រី ឌិត ទីណា និងឯកឧត្តម Trinh Viet Hung បានអញ្ជេីញជួបប្រជុំទ្វេភាគី ដើម្បីពង្រឹងកិច្ចសហប្រតិបត្តិការលើវិស័យកសិកម្ម នៅសាធារណរដ្ឋសង្គមនិយមវៀតណាម។ លើសពីនេះ ភាគីទាំងពីរ នឹងសហការគ្នារក្សាការពារធនធានជលផលសមុទ្រ និងជំរុញឱ្យមានការផ្លាស់ប្តូរបច្ចេកទេសវារីវប្បកម្ម ដើម្បីបង្កើនសមត្ថភាព និងពង្រីកទិន្នផលជលផល ស្របតាមតម្រូវការទីផ្សារ៕