ភ្នំពេញ៖ ខេត្តតាកែវ មានឱកាសការងារចំនួន ១៤៥២៩កន្លែង សម្រាប់ពលរដ្ឋដែលកំពុងស្វែងរកការងារ ពិសេសបងប្អូនពលករដែលទើបត្រឡប់មកពីប្រទេសថៃ កំពុងស្វែងរកការងារធ្វើនៅក្នុងស្រុក។

រដ្ឋបាលខេត្តតាកែវ បញ្ជាក់ទៅនិយោជក ឬម្ចាស់សហគ្រាស គ្រឹះស្ថានស្ថិតនៅក្នុងខេត្តតាកែវ ដែលមានតម្រូវការកម្លាំងពលកម្មថា ក្រុមការងារ ប.ស.ស. នឹងសម្របសម្រួលផ្តល់ទីកន្លែងសម្រាប់សម្ភាសន៍ភ្លាមៗ ដល់ពលករ ដែលកំពុងស្វែងរកការងារធ្វើនៅក្នុងស្រុក។

ការសម្ភាសន៍ នឹងធ្វើឡើងចាប់ពីថ្ងៃទី២០ ខែសីហា ឆ្នាំ២០២៥ នេះតទៅ (ម៉ោង០៨:០០នាទីព្រឹក ដល់ម៉ោង ១៧:០០នាទីល្ងាច ពីថ្ងៃចន្ទ ដល់ថ្ងៃសៅរ៍) ដូច្នេះនិយោជក ឬម្ចាស់សហគ្រាស រោងចក្រ និងបងប្អូនពលករ អាចទំនាក់ទំនងផ្ទាល់នៅទីតាំងសាខា ប.ស.ស. ខេត្តតាកែវ។ សម្រាប់ព័ត៌មានលម្អិតអំពីការងារ អាចទាក់ទងតាមរយៈលេខទូរសព្ទ ១២៩៧៕