ភ្នំពេញ៖ ក្រសួងពាណិជ្ជកម្ម​ បាននាំយកផលិតផលកសិកម្មកែច្នៃ មានដូចជា៖ អង្ករស និងអង្ករក្រអូប ផលិតផលគ្រាប់ស្វាយចន្ទី ម្រេចកំពត និងដំណាប់ស្វាយ ដាក់តាំងបង្ហាញក្នុងកម្មវិធី «ASEAN DAY» ក្រោមប្រធានបទ «ការលើកកម្ពស់ពាណិជ្ជកម្ម និងទេសចរណ៌រវាងអាស៊ាន និងខេត្តក្វាងទុង» នៅប្រទេសចិន។

ជាមួយគ្នានេះ លោក ឡៅ ងួន អេង អុនព័ន្ធពាណិជ្ជកម្មប្រចាំទីក្រុងក្វាងចូវ ប្រទេសចិន ក៏បាននាំយក Leaflet ទេសចរណ៍ បង្ហាញពីគោលដៅទេសចរណ៍សំខាន់ៗរបស់កម្ពុជា ចែកជូនអ្នកចូលរួមផងដែរ។ គួរបញ្ជាក់ថា កម្មវិធី «ASEAN DAY» រៀបចំឡើងក្នុងគោលបំណងពង្រឹងបន្ថែមទៀតលើការធ្វើពាណិជ្ជកម្ម និងការធ្វើទេសចរណ៍រវាងអាស៊ាន និងខេត្តក្វាងទុង៕