ភ្នំពេញ៖ អូស្ត្រាលី កំពុងធ្វើការជាមួយក្រុមហ៊ុនកាហ្វេកម្ពុជា និងកសិករខ្នាតតូច ដើម្បីធ្វើឱ្យប្រសើរឡើងនូវទិន្នផល គុណភាព និងស្ថិរភាពនៃផលិតកម្មកាហ្វេ។ ស្ថានទូតអូស្រ្តាលីប្រចាំព្រះរាជាណាចក្រកម្ពុជា បានបញ្ជាក់ថា ការគាំទ្រនេះ ជួយឱ្យកសិករ ពិសេសសហគមន៍ជនជាតិដើមភាគតិច អាចបង្កើនប្រាក់ចំណូល និងបង្កើតការងារដែលមាននិរន្តរភាព។

បើតាមការចុះផ្សាយរបស់ស្ថានទូតអូស្រ្តាលី នៅថ្ងៃទី២៨ ខែឧសភា ឆ្នាំ២០២៦ បានឱ្យដឹងថា ឧស្សាហកម្មកាហ្វេនៅកម្ពុជា កំពុងរីកចម្រើនយ៉ាងឆាប់រហ័ស ប៉ុន្តែកសិករក្នុងស្រុកបច្ចុប្បន្នអាចផ្គត់ផ្គង់បានត្រឹមតែ ១០ ភាគរយប៉ុណ្ណោះនៃតម្រូវការកាហ្វេក្នុងស្រុក។

 លើសពីនេះ អូស្ត្រាលី កំពុងគាំទ្រកម្ពុជា ក្នុងការកសាងសេដ្ឋកិច្ចដែលកាន់តែមានភាពធន់ និងបរិយាបន្ន ដែលកាលានុវត្តភាពសេដ្ឋកិច្ចប្រកបដោយគុណភាពអាចទទួលបានសម្រាប់មនុស្សគ្រប់គ្នា ហើយអាជីវកម្មរីកអាចចម្រើនបាន៕