ភ្នំពេញ៖ ក្រុមហ៊ុនចំនួន២ រួមមានក្រុមហ៊ុន Sinomach Hainan Development និងក្រុមហ៊ុន KAMPU NUTS Agro Product កំពុងសិក្សាពីការវិនិយោគលើការពង្រឹងខ្សែច្រវ៉ាក់ផលិតកម្មកែច្នៃគ្រាប់ស្វាយចន្ទី ដើម្បីនាំចេញទៅកាន់ទីផ្សារប្រទេសចិន។

ក្រុមហ៊ុន KAMPU NUTS Agro Product និងក្រុមហ៊ុន Sinomach Hainan Development ដែលជាដៃគូកំពុងប្រតិបត្តិការកែច្នៃគ្រាប់ស្វាយចន្ទីនៅក្នុងស្រុកស្រាប់នេះ ក៏បានចាប់អារម្មណ៍បង្កើតកិច្ចសហការជាមួយសហគមន៍កសិកម្មទំនើប តាមរយៈការធ្វើផលិតកម្មកសិកម្មតាមកិច្ចសន្យា និងពិចារណាវិនិយោគលើហេដ្ឋារចនាសម្ព័ន្ធជាឃ្លាំង និងទីលានសម្ងួត ដើម្បីគាំទ្រដល់ការកែច្នៃទ្រង់ទ្រាយធំ មុននឹងនាំចេញ។ នេះបើតាមការចុះផ្សាយរបស់ ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នាថ្ងៃទី៤ ខែមេសា ឆ្នាំ២០២៥៕