ភ្នំពេញ៖ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម ជួបពិភាក្សាការងារជាមួយលោក JOHN L. GORE តំណាងក្រុមហ៊ុន EUROFAIR និង ITE Group ដើម្បីពង្រីកវត្តមានផលិតផល និងសេវាកម្មរបស់កម្ពុជា នៅលើទីផ្សារអន្តរជាតិ និងទីផ្សាររុស្ស៊ី ព្រមទាំងលើកកម្ពស់ការផ្សព្វផ្សាយផលិតផល និងសេវាកម្មរបស់រុស្ស៊ីនៅកម្ពុជាផងដែរ។ 

ក្នុងជំនួបនៅថ្ងៃទី២១ ខែឧសភា ឆ្នាំ២០២៦ ភាគីទាំងពីរ ក៏បានផ្លាស់ប្តូរយោបល់ និងពិភាក្សាអំពីលទ្ធភាពនៃការធ្វើកិច្ចសហប្រតិបត្តិការ ដើម្បីជំរុញការចូលរួមរបស់វិស័យឯកជននៃប្រទេសទាំងពីរ ក្នុងព្រឹត្តិការណ៍ពិព័រណ៍ពាណិជ្ជកម្មដែលរៀបចំឡើងនៅប្រទេសរុស្ស៊ី និងកម្ពុជាទៀតផង៕