ភ្នំពេញ៖ គម្រោងអភិវឌ្ឍន៍តាមបណ្តាកោះ ក្នុងភូមិសាស្ត្រខេត្តកែប និងខេត្តព្រះសីហនុ បានចូលរួមចំណែកដល់ការអភិវឌ្ឍវិស័យទេសចរណ៍ ដែលត្រូវបានចាត់ទុកថាជាឧស្សាហកម្មគ្មានផ្សែង តាមរយៈការបង្កើនផលិតផលទេសចរណ៍ និងភាពសម្បូរបែបនៃគោលដៅទេសចរណ៍។ នេះបើតាមការបញ្ជាក់របស់ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា។ 

ក្នុងបេសកកម្មចុះពិនិត្យវឌ្ឍនភាពគម្រោងអភិវឌ្ឍន៍តាមបណ្តាកោះ ដែលដឹកនាំដោយឯកឧត្តម ជា វុទ្ធី កាលពីថ្ងៃទី២៦-២៧ ខែមីនា ឆ្នាំ២០២៦ គោលបំណងពិនិត្យ និងវាយតម្លៃវឌ្ឍនភាពជាក់ស្តែងនៃការអភិវឌ្ឍ សម្រាប់ជាមូលដ្ឋានក្នុងការរៀបចំរបាយការណ៍គោរពជូនប្រមុខរាជរដ្ឋាភិបាល ដើម្បីជំរុញការអភិវឌ្ឍនៅតាមបណ្តាកោះឱ្យកាន់តែមានភាពរស់រវើកបន្ថែមទៀត។ លើសពីនេះ គម្រោងវិនិយោគអភិវឌ្ឍន៍នៅតាមបណ្តាកោះក្នុងខេត្តកែប និងខេត្តព្រះសីហនុ មួយចំនួនមានវឌ្ឍនភាពគួរជាទីកត់សម្គាល់ ខណៈគម្រោងមួយចំនួនមានវឌ្ឍនភាពតិចតួច៕