ភ្នំពេញ៖ ឯកឧត្តម ទិត រិទ្ធីពល អនុរដ្ឋលេខាធិការក្រសួងពាណិជ្ជកម្ម និងសហព័ន្ធអង្គការនាំចេញឥណ្ឌា (FIEO) ដឹកនាំដោយ លោកបណ្ឌិត Ajay Sahai អគ្គនាយក FIEO ពិភាក្សាអំពីការពង្រឹងកិច្ចសហប្រតិបត្តិការពាណិជ្ជកម្ម និងវិនិយោគរវាងប្រទេសទាំងពីរ លើវិស័យដែលមានសក្តានុពល។

ក្នុងជំនួបពិភាក្សា កាលពីថ្ងៃទី២៤ ខែកុម្ភៈ ឆ្នាំ២០២៦ ដែលមានការចូលរួមពីថ្នាក់ដឹកនាំ និងសមាជិក FIEO ជាច្រើនរូប ឯកឧត្តម ទិត រិទ្ធីពល និងលោកបណ្ឌិត Ajay Sahai ក៏បានជជែកពីការពិនិត្យលទ្ធភាពក្នុងការចុះអនុស្សរណៈនៃការយោគយល់គ្នា ដើម្បីជំរុញកិច្ចសហប្រតិបត្តិការធុរកិច្ចឱ្យកាន់តែស៊ីជម្រៅបន្ថែមទៀតផងដែរ។ នេះបើតាមការចុះផ្សាយរបស់ក្រសួងពាណិជ្ជកម្ម៕