ភ្នំពេញ៖ រយៈពេល ១២ខែ ក្នុងឆ្នាំ២០២៥ កម្ពុជា រកចំណូលបានពីការនាំចេញអង្ករទៅកាន់ទីផ្សារអន្តរជាតិ បានចំនួន ៦០២,៤១ លានដុល្លារ ទៅកាន់គោលដៅចំនួន ៧៥គោលដៅ តាមរយៈក្រុមហ៊ុនចំនួន ៦៨។ តាមការចុះផ្សាយរបស់សហព័ន្្ធស្រូវអង្ករកម្ពុជា នាថ្ងៃទី០៦ ខែមករា ឆ្នាំ២០២៦ ចំណូលដែលកម្ពុជានាំចេញបានជាង ៦០២លានដុល្លារនេះ គឺសម្រេចបានការនាំចេញអង្ករចំនួន ៩៤០ ៣២១តោន។

គោលដៅចំនួន៧៥ ដែលកម្ពុជា បាននាំចេញមានដូចជា៖ ប្រទេសចំនួន២៨ ក្នុងទ្វីបអឺរ៉ុប សម្រេចបានចំនួន ៣៣៩ ៤១៧តោន មានទំហំទឹកប្រាក់ ២៥៨,២៨លានដុល្លារ, ប្រទេសចំនួន៣៧ ផ្សេងទៀតនៅអាហ្វ្រិក មជ្ឈឹមបូពា៌ មានចំនួន ៩៦ ១២២តោន រកចំណូលបាន ៨៨,១៥លានដុល្លារ, ប្រទេសចិន និងតំបន់រដ្ឋបាលស្វយ័ត មានចំនួន ២៣១ ១២៥តោន សម្រេចបានទំហំទឹកប្រាក់ ១៣៨,៣៦លានដុល្លារ និងប្រទេសចំនួន៨ ជាសមាជិកអាស៊ាន មានចំនួន ២៧៣ ៦៥៧តោន មានទំហំទឹកប្រាក់ ១១៧,៦២លានដុល្លារ។

ប្រភេទអង្ករដែលកម្ពុជានាំចេញ រួមមាន៖ អង្ករក្រអូបគ្រប់ប្រភេទមានចំនួន ៦៤,០២%, អង្ករគ្រាប់វែងមានចំនួន ១៣,៧១% អង្ករចំហ៊ុយ ២%, អង្ករសរីរាង្គ ១,៣២%, អង្ករបាក់គ្រប់ប្រទេសមានចំនួន ១៨,៥៦% និងអង្ករផ្សេងៗ មានចំនួន ០,៣៩%។ ចំពោះ ការនាំចេញស្រូវទៅកាន់ប្រទេសជិតខាងវិញ សម្រេចបាន ៦ ៨៥៩ ៩៣០តោន គិតជាទឹកប្រាក់មានចំនួន ១៥៧៩,៨៩លានដុល្លារ៕