បន្ទាយមានជ័យ៖ ប្រជាពលរដ្ឋភៀសសឹកជាង ១ ពាន់គ្រួសារ នៅភូមិព្រៃចាន់ និងភូមិជោគជ័យ​ នៅមិនទាន់អាចវិញត្រឡប់ទៅផ្ទះវិញនៅឡើយ ដោយសារយោធាថៃដាក់ទូរកុងតឺន័រ និងលួសបន្លា បិទផ្លូវមិនឱ្យចូល​។ យោងតាមក្រុមការងារទីភ្នាក់ងារសារព័ត៌មានកម្ពុជា (AKP)​ ប្រជាពលរដ្ឋភៀសសឹក ដែលមានលំនៅឋានក្នុងភូមិនៅភូមិព្រៃចាន់ និងភូមិជោគជ័យ​ នៃស្រុកអូរជ្រៅ ខេត្តបន្ទាយមានជ័យ កំពុងស្នាក់នៅមណ្ឌលសុវត្ថិភាព វត្តចាន់ស៊ីសាមគ្គីរតនារាម ស្ថិតក្នុងឃុំកូប ស្រុកអូរជ្រៅ ខេត្តបន្ទាយមានជ័យ​។

ក្នុងតំបន់ដែលទាហានថៃដាក់ទូរកុងតឺន័រ និងលួសបន្លា បិទផ្លូវមិនឱ្យចូលភូមិ មានផ្នែកខ្លះនៃភូមិទាំងពីររងការខូចខាតស្ទើរទាំងស្រុង ពីការទម្លាក់គ្រាប់បែក និងការបាញ់ផ្លោងកាលពីពេលកន្លងទៅ៕