ភ្នំពេញ៖ លោក Maxim Behar ប្រធានទី១ នៃសភាពាណិជ្ជកម្មប៊ុលហ្គារី និងជានាយកប្រតិប្រតិ្តក្រុមហ៊ុន M3 Communications Group នឹងពិនិត្យលទ្ធភាពនៅកម្ពុជា ដើម្បីនាំចេញ ឬវិនិយោគលើការកែច្នៃ និងវេចខ្ចប់ទៅកាន់ទីផ្សារអឺរ៉ុប។

ក្នុងជំនួបជាមួយលោក Maxim Behar កាលពីថ្ងៃទី២០ ខែតុលា ឆ្នាំ២០២៥ ឯកឧត្តម សំ សិទ្ធិស័ក្តិ អនុរដ្ឋលេខាធិការក្រសួងពាណិជ្ជកម្ម បានលើកឡើងអំពីកសិផលសក្តានុពលរបស់កម្ពុជា ដល់សភាពាណិជ្ជកម្មប្រទេសប៊ុលហ្គារីផងដែរ។

ជាមួយគ្នានេះ ភាគទីទាំងពីរ បានឯកភាពគ្នាក្នុងរៀបចំក្រុមការងារ ដើម្បីសហការរៀបចំឱ្យមានកម្មវិធីជំរុញពាណិជ្ជកម្ម និងការរៀបចំផ្គូរផ្គងធុរកិច្ចតាមប្រព័ន្ធ Video Conference ជាដើម សំដៅពង្រឹង និងពង្រីកការនាំចេញរបស់កម្ពុជា៕