ភ្នំពេញ៖ វិស័យឯកជនពីខេត្តយូណាន ប្រទេសចិន ចាប់អារម្មណ៍ចង់វិនិយោគនៅកម្ពុជាមាន រួមមាន៖ កន្លែងសាកថ្មរថយន្តអគ្គិសនី សេវាធានារ៉ាបរង សាលាបណ្ដុះបណ្ដាល វិនិយោគផ្នែកជួយកិច្ចការពារបរិស្ថាន វិនិយោគផ្នែកសំណង់ស្ពានថ្នល់ និងសេវាមេធាវី។

ក្នុងជំនួបជាមួយឯកឧត្ដម ស៊ាង ថៃ រដ្ឋលេខាធិការក្រសួងពាណិជ្ជកម្ម និងលោកស្រី Cun Min អគ្គនាយរង នៃមន្ទីរពាណិជ្ជកម្មខេត្តយូណាន ដែលបានដឹកនាំគណៈប្រតិភូ និងវិស័យឯកជនពីខេត្តយូណានវិស័យ ដែលមកស្វែងយល់ឱកាសវិនិយោគ និងធ្វើធុរកិច្ចនៅកម្ពុជា។

កិច្ចពិភាក្សានេះ ធ្វើឡើងក្នុងគោលបំណង ដើម្បីពង្រឹង និងពង្រីកកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ រវាងកម្ពុជា-ចិន ជាពិសេសរវាងក្រសួងពាណិជ្ជកម្មជាមួយខេត្តយូណាន ដោយផ្តោតសំខាន់លើការរៀបចំពិព័រណ៍ប្រចាំឆ្នាំនៅទីក្រុងគុនមិញ ខេត្តយូណាន ឆ្នាំ២០២៦ និងការពង្រឹងកិច្ចសហប្រតិបត្តិការផ្នែកពាណិជ្ជកម្ម វិនិយោគ និងទេសចរណ៍៕