ភ្នំពេញ៖ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងក្រុមគ្រួសារ បានបរិច្ចាគថវិកាចំនួន ១លានដុល្លារអាម៉េរិក ដល់កងទ័ពជួរមុខដែលកំពុងឈរជើងការពារបូរណភាពទឹកដីកម្ពុជា នៅថ្ងៃទី២៦ ខែកក្កដា ឆ្នាំ២០២៥។ ការបរិច្ចាគនេះ គឺតបតាមការអំពាវនាវរបស់សម្តេចតេជោ ហ៊ុន សែន ប្រធានព្រឹទ្ធសភា។

ជាមួយគ្នានេះ អ្នកឧកញ៉ា គិត ម៉េង បានលើកឡើងថា៖ «យើងក៏បានដឹកនាំ និងផ្សព្វផ្សាយផងដែរ នូវការចូលរួមរបស់មូលនិធិ CTN ដើម្បីគាំទ្ររាជរដ្ឋាភិបាល និងកៀរគរថវិកាបានចំនួន ៥០០ ២១៦ ដុល្លារអាម៉េរិក ដែលថវិកានេះ ត្រូវបានប្រគល់ជូនសម្តេចធិបតី ហ៊ុន ម៉ាណែត កាលពីថ្ងៃទី១៨ ខែកក្កដា ឆ្នាំ២០២៥»។ អ្នកឧកញ៉ា គិត ម៉េង បានបន្តថា ការចូលរួមបរិច្ចាគនេះ គឺដើម្បីគាំទ្រយ៉ាងពេញទំហឹងដល់វីរកងទ័ពកម្ពុជា ជួរមុខដែលតែងតែឈរជើងការពារបូរណភាពទឹកដីកម្ពុជានៅតាមបណ្ដោយព្រំដែនកម្ពុជា-ថៃ៕

#SMENews

#ThailandStartedTheWar