ភ្នំពេញ៖ ដើម្បីឈានឆ្ពោះទៅសម្រេចបានការរៀបចំប្រព័ន្ធអេកូឡូស៊ីឌីជីថលសម្រាប់ធុរកិច្ច គាំទ្រដល់ ការផ្តល់សេវាសម្រាប់ធុរកិច្ច ប្រកបដោយភាពរស់រវើក ភាពធន់ និង បំពេញឱ្យគ្នាទៅវិញទៅមក រាជរដ្ឋាភិបាលកម្ពុជា បានដាក់ចេញនូវអាទិភាពជាយុទ្ធសាស្ត្រចំនួន ៥ រួមមាន៖

ទី១. ការពិនិត្យឡើងវិញ និងកែសម្រួលសេវានិងនីតិវិធីស្នើសុំ, ទី២. ការអភិវឌ្ឍ និងបន្តធ្វើទំនើបកម្មហេដ្ឋារចនាសម្ព័ន្ធឌីជីថល និងប្រព័ន្ធបច្ចេកវិទ្យាព័ត៌មានសម្រាប់ផ្តល់សេវាអេឡិចត្រូនិកសម្រាប់ធុរកិច្ច។ ចំពោះ ទី៣. ការរៀបចំ និងធ្វើទំនើបកម្មទិន្នន័យគោលឱ្យមានគុណភាពក្នុងក្របខ័ណ្ឌធុរកិច្ច, ទី៤. ការជំរុញការផ្សព្វផ្សាយព័ត៌មានអំពីសេវាអេឡិចត្រូនិកសម្រាប់ធុរកិច្ច និងទី៥. ការលើកកម្ពស់សមត្ថភាពមន្ត្រីផ្តល់សេវា និងការរៀបចំយន្តការគាំទ្រអ្នកប្រើប្រាស់ សេវាអេឡិចត្រូនិកសម្រាប់ធុរកិច្ច។

ប្រភពពីសៀវភៅ៖ យុទ្ធសាស្ត្រស្តីពីការអភិវឌ្ឍសេវាអេឡិចត្រូនិកសម្រាប់ធុរកិច្ច ឆ្នាំ ២០២៥-២០២៨