ភ្នំពេញ៖ ក្រុមហ៊ុន Buddy Cash Global Co., Ltd. នឹងនាំមកនូវម៉ាស៊ីន Buddy Cash (Money Exchange) ដ៏ទំនើប និងលើកដំបូងបង្អស់នៅអាស៊ាន ដើម្បីជួយសម្រូលដល់ការទូទាត់ និងប្រើប្រាស់សាច់ប្រាក់របស់អ្នកទេសចរអន្តរជាតិពីគ្រប់ប្រទេសលើពិភពលោកដែលមកទស្សនាកម្ពុជា។ នេះបើតាមការលើកឡើងរបស់លោក Kim Gi Soo ប្រធានក្រុមហ៊ុន Buddy Cash Global Co., Ltd. កាលពីថ្ងៃទី៦ ខែមិថុនា ឆ្នាំ២០២៥។

ក្នុងជំនួបជាមួយឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ លោក Kim Gi Soo បានបន្តថា ម៉ាស៊ីន Buddy Cash (Money Exchange) នេះ គឺជាសេវាកម្មទេសចរណ៍ប្រកបដោយនវានុវត្ត និងជាតម្លៃបន្ថែម។ ជាមួយគ្នានេះ លោក Kim Gi Soo ក៏បានស្នើសុំកិច្ចគាំទ្រពី ឯកឧត្តមឯកឧត្តម ហួត ហាក់ លើគម្រោងសហប្រតិបត្តិការជាមួយក្រសួងទេសចរណ៍លើវិស័យទេសចរណ៍ និងការវិនិយោគដ៏ធំរបស់ក្រុមហ៊ុននៅប្រទេសកម្ពុជាផងដែរ៕