ភ្នំពេញ៖ ក្រសួងអប់រំ យុវជន និងកីឡា សម្រេចបើកគ្រឹះស្ថានសិក្សានៅក្នុងស្រុកថ្មពួក ស្រុកស្វាយចេក ស្រុកអូរជ្រៅ ស្រុកម៉ាឡៃ និងក្រុងប៉ោយប៉ែត ខេត្តបន្ទាយមានជ័យ និងគ្រឹះស្ថានក្នុងខេត្តកោះកុង ដំណើរការបង្រៀន និងរៀនឡើងវិញ ក្រោយផ្អាកដំណើរការដោយសារសង្គ្រាម។

ទន្ទឹមនឹងការបើកបង្រៀនឡើងវិញ សាលារៀនទាំងនោះ ក៏ត្រូវរៀបចំដឹកលេណដ្ឋាន (ត្រង់សេ) រួមមួយនៅតាមសាលារៀនរៀងៗខ្លួន និងត្រៀមស្បៀងដើម្បីអាចរៀនរស់ក្នុងសង្គ្រាម ចាប់ពីថ្ងៃជូនដំណឹងនេះតទៅផងដែរ។

សូមបញ្ជាក់ថា ចំពោះសាលាបឋមសិក្សាជោគជ័យ សាលាបឋមសិក្សា ព្រៃចាន់ (ស្រុកអូរជ្រៅ) សាលាបឋមសិក្សា បន្ទាយមានឫទ្ធិ និងអនុវិទ្យាល័យ បន្ទាយមានឬទ្ធី (ស្រុកថ្មពួក) ខេត្តបន្ទាយមានជ័យ ពុំទាន់អាចដំណើរការបាននោះទេ៕