លោក Anwar Ibrahim នាយករដ្ឋមន្រ្តីម៉ាឡេស៊ី ដែលមានតួនាទីជាប្រធានអាស៊ាន នារសៀលថ្ងៃអង្គារ ទី១៩ ខែសីហា បានជួបសន្ទនាតាមទូរសព្ទជាមួយ សម្តេចធិបតី ហ៊ុន ម៉ាណែត ទាក់ទងនឹងស្ថានការណ៍វិវត្តន៍ពាក់ព័ន្ធនឹងការអនុវត្តបទឈប់បាញ់រវាង កម្ពុជានិងថៃ។ នេះបើតាមការចុះផ្សាយនៅលើគេហទំព័រហ្វេសប៊ុករបស់ លោក Anwar Ibrahim។

ក្នុងជំនួបតាមរយៈទូរសព្ទនោះ មេដឹកនាំទាំងពីរ ក៏បានជជែកផងដែរ ពាក់ព័ន្ធនឹងក្រុមសង្កេតការណ៍អន្តរកាល (IOT) ដែលកំពុងចុះសង្កេតការណ៍ផ្ទាល់យ៉ាងយកចិត្តទុកដាក់ នៅតាមតំបន់ព្រំដែនកម្ពុជា-ថៃ និងបានលើកឡើងពីចំណាត់ការផ្សេងៗបន្ថែម ដែលអាចធ្វើឡើងដើម្បីជំរុញប្រសិទ្ធភាពនៃប្រតិបត្តិការឃ្លាំមើលរបស់ IOT៕