ភ្នំពេញ៖ រាជធានីខេត្តទាំង ១៣ ក្នុងតំបន់វាលទំនាប នៃប្រទេសកម្ពុជា រួមមាន៖ ខេត្ត បន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប់ កំពង់ធំ កំពង់ចាម ត្បូងឃ្មុំ ព្រៃវែង កណ្តាល តាកែវ ស្វាយរៀង និងភ្នំពេញ អាចមានភ្លៀងធ្លាក់ជាមួយផ្គររន្ទះ នឹងខ្យល់កន្ត្រាក់គ្រប ដណ្តប់លើផ្ទៃដី២៥%។ តាមការចុះផ្សាយរបស់ ក្រសួងធនធានទឹក និងឧតុនិយម នាថ្ងៃទី១១ ខែសីហា ឆ្នាំ២០២៥ តំបន់វាលទំនាប នឹងមាន សីតុណ្ហភាពមធ្យមអប្បបរមា២៤°C និងសីតុណ្ហភាពមធ្យមអតិបរមា៣៥°C។

ក្រសួងធនធានទឹក និងឧតុនិយម ព្យាករណ៍ថា ព្យុះផដួល នឹងបណ្តាលឱ្យតំបន់ខ្ពង់រាប រួមមាន៖ ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ជួរភ្នំដងរែក និងតំបន់ជួរ ភ្នំក្រវាញ អាចមានភ្លៀងធ្លាក់ជាមួយផ្គររន្ទះ ជាមួយខ្យល់កន្ត្រាក់គ្របដណ្តប់លើផ្ទៃដី២០% និងមានសីតុណ្ហភាពមធ្យមអប្បបរមា២៣°C ហើយសីតុណ្ហភាពមធ្យមអតិបរមា៣៦°C។ ខ្យល់បក់ មកពីទិសនិរតី និងទិសពាយ័ព្យមានល្បឿនមធ្យម៤ម៉ែត្រ វិនាទី។

ទន្ទឹមនេះ ខេត្តទាំង៤ តំបន់មាត់សមុទ្រ រួមមាន៖ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គររន្ទះ និងខ្យល់ កន្ត្រាក់គ្របដណ្តប់លើផ្ទៃដី៣០% ជាមួយសីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣៥°C។ ខ្យល់ បក់មកពីទិសនីរតី និងទិសបស្ចិមមានល្បឿនមធ្យម២ម៉ែត្រ វិនាទី។ ក្រសួងធនធានទឹក បញ្ជាក់ថាព្យុះទី១១ឈ្មោះ ផដួល ពុំមានឥទ្ធិពលខ្លាំងមកលើប្រទេសកម្ពុជានោះទេ ដូចនេះ រលកសមុទ្រមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមាត្រឹម ១,៥០ម៉ែត្រ៕