ភ្នំពេញ៖ ក្រសួងកសិកម្ម រុក្ខា​ប្រមាញ់​ និងនេសាទ បានចុះពិនិត្យនិងវាយតម្លៃលក្ខណសម្បត្តិសហគមន៍កសិកម្មគោលដៅចំនួន ៤នៅក្នុងខេត្តកំពង់ចាមនិងត្បូងឃ្មុំ ដើម្បីប្រែក្លាយទៅជាសហគមន៍កសិកម្មទំនើប និងផ្តល់ការគាំទ្រហេដ្ឋារចនាសម្ព័ន្ធផលិតកម្មចាំបាច់មួយចំនួន ដូចជាផ្ទះសំណាញ់និងឡសម្ងួត ពីគម្រោងខ្សែច្រវាក់ផលិតកម្មដោយភាតរ:បរិស្ថាន(CFAVC)។ 

សហគមន៍កសិកម្មគោលដៅចំនួន៤ នេះ មានដូចជា៖ សហគមន៍កសិកម្ម បៃតងគោកស្រុក ស្រុកតំបែរ ខេត្តត្បូងឃ្មុំ, សហគមន៍កសិកម្មទំនើប សំបូរមានជ័យ ស្រុកស្ទឹងត្រង់ ខេត្តកំពង់ចាម, សហគមន៍កសិកម្ម អភិវឌ្ឍន៍សេដ្ឋកិច្ចស្ត្រីព្រែកលីវ ស្រុកកងមាស ខេត្តកំពង់ចាម និងសហគមន៍កសិកម្ម អភិវឌ្ឍន៍មូលដ្ឋានយើង ស្រុកបាធាយ ខេត្តកំពង់ចាម៕