ភ្នំពេញ៖ កម្ពុជា នឹងឈានទៅរកការពឹងពាក់លើ «កាកបាទក្រហមអន្តរជាតិ» ដើម្បីជួយដល់ទាហានកម្ពុជាទាំង ១៨រូប ដែលថៃចាប់ក្រោយបទឈប់បាញ់ បញ្ជូនមកកម្ពុជាវិញ ដោយសម្តេចធិបតីនាយករដ្ឋមន្ត្រី ហ៊ុន ម៉ាណែត និង ក្រុមការងារកំពុងបំពេញការងារយ៉ាងសកម្ម។ នេះបើយោងតាមយោងតាមគេហទំព័រហ្វេសប៊ុករបស់ សម្ដេចតេជោ ហ៊ុន សែន នាថ្ងៃទី៤ ខែសីហា ឆ្នាំ២០២៥។

នារាត្រីយប់ថ្ងៃទី៣ ឈានចូលថ្ងៃទី៤ ខែសីហា សម្ដេចតេជោ មានប្រសាសន៍ថា «យប់នេះខ្ញុំនិងភរិយា ក៏បានទាក់ទងទៅ បណ្តាមេបញ្ជាការនៅជួរមុខមួយចំនួន ផងដែរ ដែលពួកគាត់កំពុងគោរពយ៉ាង ម៉ឺងម៉ាត់នៃបទឈប់បាញ់និងប្រុង ប្រយ័ត្នខ្ពស់សម្រាប់ករណីមានការ រំលោភលើបទឈប់បាញ់ពីភាគីម្ខាងទៀត»៕