ភ្នំពេញ៖ ក្នុងរយៈពេលមិនដល់មួយខែផង ផ្សារ ជីប ម៉ុង ស៊ុបភើម៉ាឃីត បានបញ្ជាទិញល្ពៅខ្មែរប្រមាណ ១,៥ពាន់តោន ដែលមានប្រមាណ ១ពាន់តោន ពីកសិករខ្មែរខេត្តព្រះវិហារ និងប្រមាណ ៥០០តោន ពីកសិករខ្មែរចំនួន ៧៨០គ្រួសារ ដែលរស់នៅក្នុងស្រុកថាឡាបរិវ៉ាត់ ខេត្តស្ទឹងត្រែង។

ការប្រមូលទិញផ្លែល្ពៅនេះដែរ ធ្វើឡើងក្រោមកិច្ចសហការជាមួយក្រសួងពាណិជ្ជកម្ម ក្នុងគោលបំណង សម្រាលបន្ទុកកសិករខ្មែរ ស្របពេលមានបញ្ហាទីផ្សារ ក៏ដូចជាលើកស្ទួយវិស័យកសិកម្មប្រទេសកម្ពុជា ពិសេសផ្តល់ជាកម្លាំងចិត្តដល់កសិករ សម្រាប់ការបន្តដាំដុះបន្ថែមទៀត។

គួរបញ្ជាក់ថា ផ្សារទំនើប ជីប ម៉ុង ដាក់លក់ល្ពៅខ្មែរក្នុងតម្លៃត្រឹម ១៥០០រៀលប៉ុណ្ណោះ ក្នុង១ផ្លែ។ នេះបើតាមការចុះផ្សាយពីគេហទំព័រ Chip Mong Supermarket៕