ភ្នំពេញ៖ ឯកឧត្ដម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង បានឱ្យដឹងថា ខេត្តស្វាយរៀង មានតម្រូវការពលកម្មចំនួន ២៦ ០៤៤នាក់ ក្នុងឆ្នាំ២០២៥ សម្រាប់ដាក់ពាក្យធ្វើការនៅក្នុងតំបន់សេដ្ឋកិច្ចនានាក្នុងខេត្តផ្ទាល់។ នេះបើតាមការចុះផ្សាយរបស់រដ្ឋបាលខេត្តស្វាយរៀង នាថ្ងៃទី១៤ ខែមិថុនា ឆ្នាំ២០២៥។

ចំណែក ប្រាក់ឈ្នួលប្រចាំខែវិញ មានដូចជា៖ ទី១. ទាបបំផុត ២៤៦ដុល្លារ, ទី២. មធ្យមចន្លោះពី ៣១៦-៤៥៩ដុល្លារ និងទី៣. ខ្ពស់ចន្លោះពី ៧០០-៣០០០ដុល្លារ។ ឯកឧត្ដម ប៉េង ពោធិ៍សា ក៏បានអំពាវនាវដល់ពលករ-ពលការិនី ដែលវិលមកពីប្រទេសថៃ ក៏ដូចជាប្រជាពលរដ្ឋទាំងអស់ដែលមានតម្រូវការ ការងារអញ្ជើញមកដាក់ពាក្យធ្វើការ។ ចំពោះ ព័ត៌មានលម្អិត ប្រជាពលរដ្ឋអាចសាកសួរតាមរយៈលេខទូរសព្ទ ០៩៧ ៣៥៦ ៧៨៨៨ និង ០៩៧ ៥៣៥ ២២១០៕