ភ្នំពេញ៖ ប្រជាពលរដ្ឋ បានដើរកម្សាន្តនៅផ្លូវថ្មើរជើង (Walk Street) ភ្នំពេញ យ៉ាងច្រើនកុះករ ថ្ងៃចុងសប្តាហ៍ កាលពីថ្ងៃទី១៦ ខែមីនា ឆ្នាំ២០២៥។ ពលរដ្ឋទាំងនោះ បានមកមើលការសម្ដែងសិល្បៈបុរាណ ប្រពៃណី សម័យ បណ្ណាល័យចល័ត កន្លែងលក់ដូរ និងកន្លែងកម្សាន្តសប្បាយផ្សេងៗ ខុសៗពីគ្នាជារៀងរាល់សប្ដាហ៍។

Walk Street ត្រូវបានរដ្ឋបាលរាជធានីភ្នំពេញ ដាក់ឱ្យដំណើរការសាកល្បង ២ថ្ងៃ ក្នុង១សប្ដាហ៍ គឺថ្ងៃសៅរ៍ និងថ្ងៃអាទិត្យ ចាប់ពីម៉ោង ៦ល្ងាច ដល់ម៉ោង ១១យប់ នៅតាមបណ្តោយតីរវិថីព្រះស៊ីសុវត្ថិ ចាប់ពីវិថីបក្សីចាំក្រុង (ផ្លូវលេខ៩៤) រហូតដល់មុខព្រះបរមរាជវាំង។ បច្ចុប្បន្ននេះ Walk Street បាននិងកំពុងទទួលបានការចាប់អារម្មណ៍យ៉ាងខ្លាំង ពីប្រជាពលរដ្ឋ ជាពិសេសភ្ញៀវទេសចរបរទេស៕