ភ្នំពេញ៖ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានធ្វើបទបង្ហាញអំពីការងារ អាទិភាព និងទិសដៅយុទ្ធសាស្ត្ររបស់ក្រសួង ជូនដល់ឧត្តមក្រុមប្រឹក្សាពិគ្រោះ និងផ្តល់យោបល់។

កិច្ចពិភាក្សាពិគ្រោះយោបល់បានផ្តោតលើការអភិវឌ្ឍវិស័យឧស្សាហកម្ម ការលើកកម្ពស់សហគ្រាសធុនតូចនិងមធ្យម ការផ្គត់ផ្គង់ទឹកស្អាត ហេដ្ឋារចនាសម្ព័ន្ធគុណភាពជាតិ វិទ្យាសាស្ត្រ បច្ចេកវិទ្យា និងនវានុវត្តន៍ (STI) និងការអភិវឌ្ឍសេដ្ឋកិច្ចក្រៅប្រព័ន្ធ។

ឧត្តមក្រុមប្រឹក្សាពិគ្រោះ និងផ្តល់យោបល់មានតំណាងជាថ្នាក់ដឹកនាំមកពីគណបក្សនយោបាយចំនួន៣១ ដែលផ្តល់ការពិគ្រោះយោបល់ និងអនុសាសន៍ដល់រាជរដ្ឋាភិបាល លើអាទិភាពរបស់ជាតិ។ ក្នុងជំនួបថ្ងៃនេះ សមាជិកនៃឧត្តមក្រុមប្រឹក្សាបានស្វែងយល់ លើកជាសំនួរ និងផ្តល់មតិយោបល់លើប្រធានបទជាច្រើន ដែលមានសារសំខាន់ចំពោះការអភិវឌ្ឍជាតិ៕