ភ្នំពេញ៖ រោងចក្រចំនួន២ នឹងមាននៅក្នុងស្រុកគិរីវង់ (ខេត្តតាកែវ) និងស្រុកអង្គរជ័យ (ខេត្តកំពត) ដោយមានតម្រូវការកម្មករសរុបប្រមាណ ៦៥០០នាក់។ នេះបើតាមការលើកឡើងរបស់ ឯកឧត្តម វ៉ី សំណាង អភិបាលនៃ គណៈអភិបាលខេត្តតាកែវ។

រោងចក្រចំនួន២ ដែលក្រុមការងារ នៃរដ្ឋបាលខេត្តតាកែវ បានចុះពិនិត្យទីតាំងដីស្នើសុំសាងសង់នោះ មានដូចជា៖ ១.រោងចក្រកាត់ដេរសម្លៀកបំពាក់ ស្ថិតនៅភូមិត្រើយទន្លាប់ ឃុំព្រះបាទជាន់ជុំ ស្រុកគិរីវង់ ខេត្តតាកែវ ដែលមានតម្រូវការកម្មករនៅចន្លោះពី ១០០០ ទៅ ១៥០០នាក់ និង ២. រោងចក្រកាត់ដេរសម្លៀកបំពាក់ ស្ថិតនៅភូមិព្រៃអំពក ឃុំព្រៃអំពក ស្រុកគិរីវង់ ខេត្តតាកែវ ដែលមានតម្រូវការកម្មករ ចាប់ពី ៥០០០នាក់ទ្បើងទៅ៕