ភ្នំពេញ៖ ធនាគារជាតិនៃកម្ពុជា បើកឱ្យសាធារណជន ប្ដូរក្រដាសប្រាក់រៀល ចាស់ ទក់ រហែក ប្ដូរយកក្រដាសប្រាក់រៀលថ្មី ដោយឥតគិតថ្លៃ ក្នុងកម្មវិធីផ្សព្វផ្សាយ ស្តីពីប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ (KHQR) ក្នុងឱកាសអបអរសាទរខួបលើកទី៤៥ នៃការដាក់ឱ្យចរាចរប្រាក់រៀលឡើងវិញ។

កម្មវិធីផ្សព្វផ្សាយ ស្តីពីប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ (KHQR) នឹងធ្វើឡើងនៅថ្ងៃទី២៤ ខែវិច្ឆិកា ឆ្នាំ២០២៥ ចាប់ពីម៉ោង ៨:០០ នាទីព្រឹក ដល់ ១២:០០នាទីរសៀល នៅសាលប្រជុំសាលាខេត្តកំពង់ឆ្នាំង។ នេះបើតាមការចុះផ្សាយរបស់ ធនាគារជាតិនៃកម្ពុជា៕