ភ្នំពេញ៖ ក្រុមហ៊ុន ជីប ម៉ុង (Khmer Beverages) ជួយទិញស្រូវពីគ្រួសារកងទ័ពសរុបជាង ៦០០តោន ក្នុងស្រុកជាំក្សាន្ដ ខេត្ដព្រះវិហារ ក្នុងនោះក្នុងមួយថ្ងៃ ក្រុមហ៊ុន ប្រមូលទិញស្រូវបានជាង ១១០តោន ដោយក្រុមហ៊ុនប្រមូលទិញ ប្រភេទស្រូវ ផ្ការំដួល និងនាងអំ ក្នុងតម្លៃ ១០០០រៀល ក្នុង១គីឡូក្រាម។

ឯកឧត្តមបណ្ឌិត ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងារដឹកនាំគ្រប់គ្រងអន្តរកម្មវិធីប្រចាំតំបន់មេគង្គលើ អរគុណចំពោះ ក្រុមហ៊ុន ជីប ម៉ុង ចំពោះការចូលរួមប្រមូលទិញស្រូវពីក្រុមគ្រួសារយុទ្ធជន និងបានពិភាក្សាពីស្ថានភាពទីផ្សារស្រូវ ការប្រមូលទិញស្រូវ និងការជួយដោះស្រាយការកកស្ទះ ដើម្បីរក្សាលំហូរទីផ្សាររបស់ប្រជាកសិករ ដោយមានមន្ទីរកសិកម្មខេត្ដជាសេនាធិការរបស់ក្រសួងកសិកម្ម ជួយសម្របសម្រួល៕