ភ្នំពេញ៖ សហគមន៍កសិកម្មមួយនៅខេត្តបាត់ដំបង ត្រូវបានរៀបចំមហាសន្និបាតកំណើតដំបូងជាសហគមន៍កសិកម្មទំនើប ឈ្មោះផ្លូវការ «ស្រូវប្រព័ន្ធធារាសាស្ត្រកង្ហត» ដើម្បីផលិតកម្មកសិកម្មតាមកិច្ចសន្យាដោយដាំដុះប្រភេទពូជស្រូវស្រងែស្រាល ក្នុងតម្លៃកុងត្រា ៩៥០៛-១០៥០៛ ក្នុងគីឡូក្រាម (ស្រូវសើម-ទីវាល)។

ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ បានបង្ហោះលើគេហទំព័រ នាថ្ងៃទី៣០ ខែសីហា ឆ្នាំ២០២៥ ថា សហគមន៍កសិកម្មទំនើបស្រូវប្រព័ន្ធធារាសាស្ត្រកង្ហត ដែលមានទីតាំងនៅប្រព័ន្ធធារាសាស្ត្រកង្ហតទួលម្ទេស ស្រុកសង្កែ ខេត្តបាត់ដំបងនេះ មានចំនួនសមាជិក ១៧៨គ្រួសារ និងមានផ្ទៃដីផលិតកម្ម ៨៥៣ហិកតា៕