ភ្នំពេញ៖ ក្រសួងពាណិជ្ជកម្ម ជួបពិភាក្សាការងារជាមួយអង្គការពាណិជ្ជកម្មក្រៅស្រុកជប៉ុន (JETRO) ដើម្បីពិភាក្សាអំពីកិច្ចសហប្រតិបត្តិការលើគំរោងជំរុញការនាំចេញផលិតផលកសិកម្មកម្ពុជាទៅកាន់ទីផ្សារប្រទេសជប៉ុន ឬទីផ្សារក្រៅប្រទេសដែលក្រោមបណ្តាញរបស់ពួកគេ។

ក្នុងកិច្ចជំនួប នាថ្ងៃទី២២ ខែតុលា ឆ្នាំ២០២៥ កម្ម ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និង Mr. Kohei WAKABAYASHI ប្រធានការិយាល័យតំណាងអង្គការ JETRO បានពិភាក្សាអំពីស្ថានភាពនាំចេញកសិផល ដូចជាគ្រាប់ស្វាយចន្ទី ដំឡូងមី ចេក និងស្វាយ, ការណែនាំពីសហគមន៍ សមាគមកនានា, ច្បាប់ និងបទប្បញ្ញត្តិពាក់ព័ន្ធសម្រាប់អនុវត្តការកែច្នៃផលិតផលកសិកម្ម និងនីតិវិធីនាំចេញ និងពិភាក្សាអំពីការរៀបចំបេសកកម្មពាណិជ្ជកម្មដែល JETRO នឹងដឹកនាំក្រុមហ៊ុនក្នុងវិស័យកសិកម្មពីប្រទេសជប៉ុនមកកម្ពុជា នាខែមីនា ឆ្នាំ២០២៦ ខាងមុខនេះ៕