ភ្នំពេញ៖ ក្រសួងទេសចរណ៍ និងក្រុមហ៊ុនខូសថលស៊ីធី ឌីវេឡុបមិន សហការរៀបចំកម្មវិធី «រត់ពាក់កណ្ដាលមារ៉ាតុងក្នុងតំបន់តារាសាគរ» ដោយក្នុងនោះសាធារណជន អាចចូលរួមបានដោយសេរី និងអាចឈ្នះប្រាក់រង្វាន់សរុប ៩០០ដុល្លារ។

សាធារណជនចូលរួមទាំងអស់ នឹងទទួលបានអាវយឺតកម្មវិធីម្នាក់១ មេដាយ១ រួមជាមួយប្រាក់រង្វាន់សំរាប់ចំណាត់ថា្នក់ ដូចជា៖ លេខ១ ទទួលបានទឹកប្រាក់ ៤០០ដុល្លារ, លេខ២ ទទួលបាន ៣០០ដុល្លារ និងលេខ៣ ទទួលបានទឹកប្រាក់ ២០០ដុល្លារ។

ព្រឹត្តិការណ៍កីឡានេះ រៀបចំឡើងក្នុងតំបន់តារាសាគរខេត្តកោះកុង ដើម្បីចូលរួមសាទរក្នុងវិស័យទេសចរណ៍សមុទ្រកម្ពុជា ឱ្យកាន់តែរឹកដុះដាលជាលំដាប់។ ព្រឹត្តិការណ៍កីឡាក្នុងសហគមន៍នេះ ក៏មានគោលបំណងប្រមូលផ្តុំប្រជាពលរដ្ឋ ភ្ញៀវទេសចរជាតិ អន្តរជាតិ យុវជន និងគ្រួសារ ក្នុងសកម្មភាពកីឡាពេលព្រឹក ដើម្បីសុខភាព ភាពរីករាយ និងការជួយដល់ទេសចរណ៍ក្នុងសហគន៍ផងដែរ៕