ភ្នំពេញ៖ មន្ទីរពាណិជ្ជកម្មខេត្តតាកែវ នឹងរៀបចំ «ផ្សារផលិតផលខ្មែរ» ដែលជាសកម្មភាពអាទិភាពមួយនៃគម្រោង AIMS រយៈពេល ៣ខែ រៀងរាល់ថ្ងៃសៅរ៍ និងថ្ងៃអាទិត្យ ដើម្បីបង្កើនប្រាក់ចំណេញដល់ក្រុមកសិករផលិត និងអាជីវករ។

ផ្សារផលិតផលខ្មែរខេត្តតាកែវ នឹងផ្តើមអនុវត្តន៍ចាប់ពីថ្ងៃទី៤ និងទី៥ ខែតុលា ឆ្នាំ២០២៥ នេះតទៅ នៅសួនច្បារទល់មុខរោងមហោស្របខេត្ត ហើយចំពោះផលិតផល ដែលនឹងដាក់លក់ក្នុងផ្សារនេះ គឺទទួលបានការគាំទ្រពីគម្រោង AIMS ក្នុងការអភិវឌ្ឍន៍ខ្សែច្រវាក់តម្លៃ។ មន្ទីរពាណិជ្ជកម្មខេត្ត ក៏បានអំពាវនាវឱ្យសាធារណជន ចូលរួមជួយគាំទ្រផលិតផលខ្មែរ ស្នាដៃ កសិករខ្មែរ ដែលជាផលិតផលក្នុងខេត្តតាកែវ ដើម្បីលើកកម្ពស់ផលិតផលក្នុងស្រុក។ នេះបើតាមសេចក្តីជូនដំណឹង ស្តីពីការអនុវត្តន៍សាកល្បងផ្សារផលិតផលខ្មែរ ខេត្តតាកែវ (ផ្សារចុងសប្តាហ៍)៕