ភ្នំពេញ៖ ក្រុមហ៊ុនអាហ្គ្រោ ឃីង ត្រេឌីង ឯ.ក (AGRO KING TRADING CO.LTD) និងក្រុមហ៊ុន អ៊ិលប៊ីអិន អង្គរ (កម្ពុជា) ចុះកិច្ចសន្យា ទិញលក់ពោតក្រហម និងស្រូវស្រង៉ែថ្មី ពីប្រជាកសិករក្នុងសហគមន៍កសិកម្មជីរោទិ៍រុងរឿង នៅខេត្តត្បូងឃ្មុំ។

តាមរយៈកិច្ចសន្យានេះ ក្រុមហ៊ុនអាហ្គ្រោ ឃីង ត្រេឌីង ឯ.ក នឹងទិញពោតក្រហមស្ងួតចំនួន ១០៥០តោន ចំណែកក្រុមហ៊ុន អិល ប៊ី អិន អង្ករ កម្ពុជា នឹងទិញស្រូវចំណីប្រភេទពូជស្រូវសែនក្រអូប០១ និងស្រូវស្រងែថ្មី ពីកសិករក្នុងសហគមន៍កសិកម្មជីរោទិ៍រុងរឿង។

ឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បង្ហាញសុទិដ្ឋិនិយមថា ការចុះកិច្ចសន្យានេះ នឹងធ្វើឱ្យប្រជាកសិករកាន់តែមានឱកាសលក់ផលិតផលកសិកម្មរបស់ខ្លួនទៅកាន់ក្រុមហ៊ុននាំចេញទៅទីផ្សារអន្តរជាតិ។ នេះបើតាមការចុះផ្សាយរបស់ ក្រសួងកសិកម្ម នាថ្ងៃទី៣០ ខែកញ្ញា ឆ្នាំ២០២៥៕