ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា ឱ្យប្រជាពលរដ្ឋប្រុងប្រយ័ត្ន Scam Alert និងកុំចុចលើតំណភ្ជាប់ក្លែងក្លាយ (Phishing Link) ដែលគ្មានប្រភពច្បាស់លាស់។ ទម្រង់ឆបោកបន្លំ តំណភ្ជាប់ក្លែងក្លាយ (Phishing Link) គឺជាការបន្លំខ្លួនជាក្រុមអ្នកដោះស្រាយបញ្ហា iCloud account សម្រាប់អ្នកប្រើប្រាស់ប្រព័ន្ធ IOS របស់ក្រុមហ៊ុន Apple ។

ដើម្បីសុវត្ថិភាព សាធារណជន កុំចុចលើតំណភ្ជាប់ណាមួយដែលមិនមានប្រភពច្បាស់លាស់ ដែលតម្រូវឱ្យយើងបំពេញនូវព័ត៌មានផ្ទាល់ខ្លួនឱ្យសោះ ជៀសវាងជនអានាមិកអាចគ្រប់គ្រងទិន្នន័យ ឬគណនីផ្សេងៗរបស់យើងបាន ឈានដល់ការប្រឈមហានិភ័យនានាដោយប្រការណាមួយ៕