ភ្នំពេញ៖ កម្ពុជា និងជប៉ុន ពិភាក្សាលើដំណើរការនៃការរៀបចំសួនឌីជីថល (Digital Park) និងឱកាសនៃការវិនិយោគរបស់ក្រុមហ៊ុនជប៉ុននៅក្នុងសួនឌីជីថល។ នេះបើតាមការចុះផ្សាយរបស់ ក្រសួងប្រៃសណីយ៍និងទូរគមនាគមន៍ (ក.ប.ទ.) នាថ្ងៃទី១១ ខែវិច្ឆិកា ឆ្នាំ២០២៥។

ឯកឧត្តម ជាវ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ (ក.ប.ទ.) និង ឯកឧត្តម Takahashi Fumiaki ប្រធានសមាគមជប៉ុន-កម្ពុជា និងជាអតីតឯកអគ្គរាជទូតជប៉ុនប្រចាំកម្ពុជា ក៏បានជជែកលើកម្មវិធីបណ្តុះបណ្តាលនិស្សិតកម្ពុជា ដើម្បីទៅធ្វើការនៅប្រទេសជប៉ុន (Japanese IT Pathway Program) ផងដែរ។

ឯកឧត្តមរដ្ឋមន្រ្តីប្រៃសណីយ៍ និងឯកឧត្តម Takahashi Fumiaki បានប្តេជ្ញាចិត្តពង្រឹងកិច្ចសហប្រតិបត្តិការឱ្យកាន់តែល្អប្រសើរបន្ថែមទៀត រវាង ក.ប.ទ. និងសមាគម៕