ភ្នំពេញ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នឹងរៀបចំពិព័រណ៍ចំនួន២ រួមមាន៖ ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ លើកទី៩ និងពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ លើកទី៩ នៅថ្ងៃទីថ្ងៃទី៦-៩ ខែសីហា ឆ្នាំ២០២៥ នៅមជ្ឈមណ្ឌលសន្និបាត និងពិព័រណ៍កោះពេជ្រ។

ចំពោះ ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ លើកទី៩ នឹងមានការតាំងបង្ហាញដូចជា៖ ផ្លាស្ទិក និងកៅស៊ូ, ការវេចខ្ចប់, ការបោះពុម្ព, ឧបរកណ៍កែច្នៃអាហារ, គ្រឿងបន្លាស់រថយន្ត និងគ្រឿងម៉ាស៊ីន ឧបរណ៍ស្វ័យប្រវត្តិកម្ម។ រីឯ ពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ លើកទី៩ មានការតាំងបង្ហាញ រួមមាន៖ វាយនភ័ណ្ឌ, សម្លៀកបំពាក់, គ្រឿងបន្លាស់, សរសៃអំបោះ កប្បាស និងក្រណាត់។ សាធារណជនទាំងអស់ដែលមានបំណងចូលរួមពិព័រណ៍ខាងលើ អាចចុះឈ្មោះចូលរួមតាមរយ៖ https://chanchao.tw/YwaH30 ៕