ភ្នំពេញ៖ ក្រសួងព័ត៌មាន បានបង្ហាញការកោតសរសើរចំពោះអ្នកសារព័ត៌មាន អ្នកបង្កើតមាតិកា និងអ្នកប្រើប្រាស់បណ្តាញ សង្គម ទាំងអស់ដែលបាន ចូលរួមជាផ្នែកនៃសម្លេងរបស់កម្ពុជា ដែលបានការការពារភាពត្រឹមត្រូវ របស់កម្ពុជា ជំហរដោះស្រាយជម្លោះ ដោយសន្តិវិធីផ្អែកលើច្បាប់អន្តរជាតិ តាមរយៈការផ្សព្វផ្សាយប្រកបដោយក្រមសីលធម៌ សេចក្តីថ្លៃថ្នូរ និងការគោរពសិទ្ធិអ្នកដទៃ ទាំងក្នុងសហគមន៍ជាតិ និងអន្តរជាតិ។

ជាមួយគ្នានេះ ក្រសួងព័ត៌មាន អំពាវនាវដល់អ្នកសារព័ត៌មាន អ្នកបង្កើតមាតិកា អ្នកប្រើប្រាស់បណ្តាញសង្គម និងសាធារណជនទាំងអស់ ត្រូវបង្កើនការប្រុងប្រយ័ត្ន និងធ្វើការផ្ទៀងផ្ទាត់ ព័ត៌មានជានិច្ចជាមួយ «ប្រភពផ្លូវការ» ជាពិសេសពាក់ព័ន្ធនឹងជម្លោះតំបន់ព្រំដែនកម្ពុជា-ថៃ និងចៀសវាងដាច់ខាតនូវការ កាត់តរូបភាព និងខ្លឹមសារ ដែលមិនពិតមានលក្ខណៈប្រមាថដល់ អង្គព្រះមហាក្សត្រជាដើម៕