ភ្នំពេញ៖ សមាគមន៍សេដ្ឋកិច្ចចិន-អាស៊ី មានបំណងចង់ស្វែងរកឱកាសវិនិយោគ និងបម្លាស់ទីឧស្សាហកម្មរបស់ខ្លួនមកប្រទេសកម្ពុជា។ នេះបើតាមការចុះផ្សាយរបស់ ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី២៧ ខែមិថុនា ឆ្នាំ២០២៥។

ក្នុងជំនួបពិភាក្សាការងារជាមួយ សមាគមន៍សេដ្ឋកិច្ចចិន-អាស៊ី ឯកឧត្តម យុន ហេង អគ្គលេខាធិការរង គណៈកម្មាធិការវិនិយោគកម្ពុជា បានស្វាគមន៍យ៉ាងកក់ក្តៅចំពោះវិនិយោគិនក្នុងសមាគមន៍ ដែលបានបង្ហាញអំពីបំណងចង់វិនិយោគនៅកម្ពុជា។ ឯកឧត្តម យុន ហេង ក៏បានគូសរំលេចអំពីស្ថានភាព នៃការវិនិយោគនៅកម្ពុជា ក៏ដូចជាការគាំទ្ររបស់រាជរដ្ឋាភិបាល ដល់វិស័យឯកជន និងភាពអំណោយផលនៃការលើកទឹកចិត្តចំពោះវិនិយោគិនផងដែរ៕