ភ្នំពេញ៖ Global Positioning System (GPS) និង ប្រពន្ធព័ត៌មានភូមិសាស្រ្ត Geographic Information System មានសារសំខាន់សម្រាប់ធ្វើឱ្យកសិកម្មកាន់តែមានប្រសិទ្ធភាព និងមានភាពច្បាស់លាស់។ ការប្រើប្រាស់បច្ចេកវិទ្យាទាំងពីរនេះ អាចជួយកាត់បន្ថយកាកសំណល់ និងធានាបាននូវការលូតលាស់របស់ដំណាំដែលមានស្តង់ដាត្រឹមត្រូវ។

បើតាមគេហទំព័រកម្ពុជា៤.០ បច្ចេកវិទ្យាទាំងពីរនេះ ក៏អាចកំណត់ផែនទីកសិកម្មរបស់យើងបានត្រឹមត្រូវដែលជួយក្នុងការដាំដុះ, ការដាក់ជីនិងការប្រមូលផលប្រកបដោយភាពត្រឹមត្រូវជាងការធ្វើកសិកម្មបែបប្រពៃណី ដែលធ្វើការដាក់ជី ឬប្រមូលផលដោយមិនមានការកំណត់ច្បាស់លាស់ និងអាចធ្វើឱ្យប៉ះពាល់ដល់ដំណាំ និងបរិស្ថាន៕