ភ្នំពេញ៖ ឯកឧត្តម ខូយ រីដា អភិបាលខេត្តពោធិ៍សាត់ និងជាប្រធានគណៈបញ្ជាការឯកភាពរដ្ឋបាលខេត្ត ប្រជុំបន្ទាន់មួយនៅសាលាខេត្តពោធិ៍សាត់ ដើម្បីត្រៀមរថយន្ត ស្បៀងអាហារ ថ្នាំពេទ្យ សម្ភារ និងកំណត់ទីតាំងសុវត្ថិភាពសម្រាប់ជម្លៀសប្រជាពលរដ្ឋ នៅតាមខ្សែបន្ទាត់ព្រំដែន។

ឯកឧត្តម ខូយ រីដា ឯកឧត្តម ខូយ រីដា មានប្រសាសន៍ដូច្នេះថា៖ «ពេលនេះជាដំណាក់កាល ដែលជនរួមជាតិត្រូវរួបរួមសាមគ្គីគ្នា ត្រៀមជួយសង្គ្រោះពលរដ្ឋ ក្នុងករណីមានហេតុការណ៍កើតឡើង ជាយថាហេតុនៅតាមបណ្តោយព្រំដែនកម្ពុជា-ថៃ ដើម្បីយើងជួយអន្តរាគមន៍បានទាន់ពេលវេលា»។

គួរបញ្ជក់ថា ក្នុងកិច្ចប្រជុំ កាលពីថ្ងៃទី១៣ ខែមិថុនា ឆ្នាំ២០២៥ នេះ មានសមាសភាពចូលរួម ដូចជាប្រធានមន្ទីរ អង្គភាពនានាជុំវិញខេត្ត និងកងកម្លាំងប្រដាប់អាវុធទាំងបី ក្នុងគោលបំណងជម្លៀសពលរដ្ឋនៅព្រំដែន ស្ថិតក្នុងភូមិសាស្រ្តឃុំថ្មដា ស្រុកវាលវែង ខេត្តពោធិ៍សាត់ ដែលជាប់និងព្រំដែនខេត្តត្រាត ប្រទេសថៃ៕