ភ្នំពេញ៖ បើយោងតាមមាត្រា១៩៣ នៃច្បាប់ស្តីពីសារពើពន្ធ២០២៣ បានចែងពីសិទ្ធិ និងកាតព្វកិច្ច បានឱ្យដឹងថា អ្នកជាប់ពន្ធមានសិទ្ធិ ដូចជា ទទួលបាននូវការរក្សាទុកជាការសម្ងាត់ និងត្រូវបានយកមកប្រើប្រាស់តែក្នុងគោលដៅដែលមានបញ្ជាក់នៅក្នុងបទប្បញ្ញត្តិស្តីពីពន្ធដារ នូវព័ត៌មាននានាទាក់ទិននឹងកិច្ចការអាជីវកម្មរបស់ខ្លួនដែលបានផ្ដល់ឱ្យរដ្ឋបាលសារពើពន្ធ។

ជាមួយគ្នានេះ អ្នកជាប់ពន្ធ ក៏បានសិទ្ធិទទួលព័ត៌មានជាប្រចាំអំពីកិច្ចដំណើរការនៃប្រព័ន្ធពន្ធដារ និងនីតិវិធីនៃការកំណត់ពន្ធ, ទទួលព័ត៌មានអំពីសិទ្ធិរបស់ខ្លួន រួមទាំងសិទ្ធិក្នុងការប្តឹងតវ៉ា។ អ្នកជាប់ពន្ធ មានសិទ្ធិ ប្ដឹងតវ៉ា ចំពោះរាល់សេចក្តីសម្រេចរបស់រដ្ឋបាលសារពើពន្ធ, សិទ្ធិបង់ពន្ធមិនឱ្យលើសពីបទប្បញ្ញត្តិស្តីពីពន្ធដារ។ នេះបើតាមការចុះផ្សាយរបស់អគ្គនាយកដ្ឋានពន្ធដា កាលពីថ្ងៃទី១២ ខែមិថុនា ឆ្នាំ២០២៥៕