ភ្នំពេញ៖ ខេត្តកោះកុង នឹងរៀបចំព្រឹត្តិការណ៍បុណ្យ «សាទរដែននិរតី» ជាលើកទីមួយ ចាប់ពីថ្ងៃទី១០ ដល់ថ្ងៃទី១៥ ខែមិថុនា ឆ្នាំ២០២៥ ខាងមុខ នៅតាមបណ្ដោយផ្លូវមាត់សមុទ្រ ក្រុងខេមរភូមិន្ទ ទល់មុខសាលាខេត្តកោះកុង។ ក្នុងព្រឹត្តិការណ៍នេះដែរ នឹងបើកឱកាសឱ្យសាធារណជន ដាក់តាំងផលិតផល និងមហាស្រពអាហារចម្រុះជាតិសាសន៍។

ពាក់ព័ន្ធនឹងការដាក់តាំងផលិតផលនេះដែរ សាធារណជន អាចលេខទំនាក់ទំនងកក់ស្តង់ តាមរយៈ ០៨២ ៣៥ ៣៥ ០០ ឬ ០១៥ ៩៧ ២០ ២២ ឬ ០១២ ៣៥ ៦០ ៧៥។ ក្រៅពីការបង្ហាញផលិតផល ក្នុងព្រឹត្តិការណ៍នេះ ក៏មានកម្មវិធីសម្រាប់កម្សាន្តសប្បាយជាច្រើន រួមមាន៖ ការប្រគំតន្រ្តីអមដោយតារាចម្រៀងល្បីៗ, ការប្រគួតប្រដាល់គុនខ្មែរ ដណ្ដើមពានរង្វាន់ថ្នាក់ខេត្ត, ការប្រឡងចម្រៀង តារាចម្រៀង សំនៀងឯក ខេត្តកោះកុង, ការបោះជំរុំ អុំទូកកាយ៉ាក់គយគន់ទេសភាព, ការបង្ហោះគោម&បាញ់កាំជ្រួច,ការជិះកង់រៃអង្គាសថវិកាជួយដល់កុមារកម្ពុជា និងការត្រីបដោយក្រុមម៉ូតូធំ ដើម្បីកុមារកម្ពុជា។

ខេត្តកោះកុង ជាខេត្តមួយ ក្នុងចំណោមរាជធានី ខេត្តទាំង២៥ ដែលសម្បូរទៅដោយ សម្បត្តិធនធានធម្មជាតិ តំបន់រមណីយដ្ឋានធម្មជាតិដ៏សម្បូរបែប ដើម្បីឱ្យមានភាពទាក់ទាញអ្នកទេសចរកើនឡើងបន្ថែមទៀត។ នេះបើតាមការចុះផ្សាយរបស់ ក្រសួងទេសចរណ៍ នាថ្ងៃទី៤ ខែមិថុនា ឆ្នាំ២០២៥៕