ភ្នំពេញ៖ គម្រោង IDEAS Project Cambodia នឹងជ្រើសរើសម្ចាស់អាជីវកម្មជាស្រ្តី ឱ្យចូលរួមវគ្គបណ្ដុះបណ្ដាល ដើម្បីបង្កើនជំនាញឌីជីថល ការធ្វើពាណិជ្ជកម្មតាមប្រព័ន្ធអេឡិចត្រូនិច (E-Commerce)។ ក្នុងវគ្គបណ្តុះបណ្តាលនេះ សិក្ខាកាមនឹងទទួលបានចំណេះដឹងពីអ្នកជំនាញផ្ទាល់ និងការអនុវត្តជាក់ស្តែង ដែលអាចដឹកនាំពួកគេឆ្ពោះទៅរកភាពជោគជ័យ និងប្រាក់ចំណេញ។

សិក្ខាកាម ដែលអាចដាក់ពាក្យបាន ត្រូវ៖ ជាស្ត្រីដែលជាម្ចាស់ ឬសហម្ចាស់អាជីវកម្មខ្នាតតូច, មានអាជីវកម្មដំណើរការយ៉ាងតិចមួយឆ្នាំ ហើយមានផលិតផលនៅលើទីផ្សារ, មានឆន្ទៈចូលរួមគ្រប់សកម្មភាពក្នុងវគ្គបណ្តុះបណ្តាល និងចុះហត្ថលេខាលើលិខិតប្តេជ្ញាចិត្ត, មានចំណេះដឹងខ្លះៗពីការប្រើប្រាស់ឧបករណ៍ឌីជីថល និងមានបំណងកែលម្អអាជីវកម្មរបស់ខ្លួន និងមានសិទ្ធិចូលប្រើកុំព្យូទ័រយួរដៃ ឬកុំព្យូទ័រលើតុ។

គម្រោងនេះ ផ្តល់មូលនិធិដោយមូលនិធិសហប្រតិបត្តិការអាស៊ាន-កូរ៉េ (AKCF), អនុវត្តដោយ APWINC ដែលជាប្រធានអង្គការយូណេស្កូផ្នែកបច្ចេកវិទ្យាទំនាក់ទំនងសម្រាប់ស្ត្រី និងគាំទ្រដោយក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនុវានុវត្តន៍។ សហគ្រិន អាចដាក់ពាក្យបានតាមការស្កេន QR code ឬតាមលេខ ០៩៩ ៨៨៨ ៧៣៧ ត្រឹមថ្ងៃទី១០ ខែវិច្ឆិកា ឆ្នាំ២០២៤៕