ភ្នំពេញ៖ SME Bank និងសមាគមសហគ្រិនស្ត្រីកម្ពុជា បានចុះហត្ថលេខាលើអនុស្សរណៈនៃការយោគយល់គ្នា លើកកម្ពស់ លទ្ធភាពទទួលបានឥណទាន និងជំរុញវឌ្ឍនភាពធុរកិច្ច សម្រាប់សហគ្រិនស្រ្តីក្នុងវិស័យសហគ្រាសធុនតូច និងមធ្យម ឲ្យកាន់តែល្អប្រសើរ ដើម្បីកំណើនសេដ្ឋកិច្ច និងការអភិវឌ្ឍនៅកម្ពុជា។

ការអនុស្សរណៈនៃការយោគយល់គ្នា រវាងលោក ជា សុភ័ក្ត អគ្គនាយក នៃSME Bank និងលោកជំទាវ ចាន់ ភារី ប្រធានសមាគមសហគ្រិនស្ត្រីកម្ពុជានេះ សហគ្រិនស្រ្តីដែលជាសមាជិក នៃសមាគមសហគ្រិនស្រ្តីកម្ពុជា អាចស្នើសុំគម្រោងឥណទានអាជីវកម្ម ប្រកបដោយលក្ខខណ្ឌអនុគ្រោះ ពី SME Bank ដើម្បីអភិវឌ្ឍ និងពង្រីកអាជីវកម្មរបស់ខ្លួន៕