ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា គូសបញ្ជាក់ថា បទពិសោធនៃសង្រ្គាមរ៉ាំរ៉ៃនៅកម្ពុជាបានបង្ហាញថា «សង្រ្គាមមិនអាចបញ្ចប់ដោយការធ្វើសង្រ្គាមបានទេ» ពោលគឺមានតែការចរចាដោយសន្តិវិធីប៉ុណ្ណោះដែលអាចរកដំណោះស្រាយបានប្រកបដោយសុខសន្តិភាព និងបង្កលក្ខណៈងាយស្រួល ឱ្យប្រជាពលរដ្ឋភៀសសឹកអាចវិលត្រឡប់ទៅកាន់ភូមិឋានរបស់ខ្លួនវិញ។

សម្តេចធិបតីនាយករដ្ឋមន្រ្តី គូសបញ្ជាក់បន្តថា គោលជំហរដ៏ម៉ឺងម៉ាត់របស់រាជរដ្ឋាភិបាលក្នុងការគោរពច្បាប់អន្តរជាតិ គឺដើម្បីដោះស្រាយបញ្ហាព្រំដែនដោយ សន្តិវិធី។ សម្តេចធិបតី ហ៊ុន ម៉ាណែត លើកឡើងដូច្នេះក្នុងសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំពេញអង្គគណៈរដ្ឋមន្រ្តី នៅថ្ងៃទី២៦ ខែកញ្ញា ឆ្នាំ២០២៥៕