ភ្នំពេញ៖ ក្រុមហ៊ុនផលិតប្រេងផលិតកៅស៊ូ និងក្រុមហ៊ុនផលិតគ្រឿងតុបតែងលម្អ សម្រាប់បុណ្យណូអែល សរុបទុនវិនិយោគជាង ១៥លានដុល្លារ ផ្តល់ឱកាសការងារសរុបប្រមាណ ១ ០៣៩កន្លែង ទទួលបានការអនុញ្ញាតជាគោលការណ៍។

ក្រុមហ៊ុនទាំង២ ដែលទទួលបានការអនុញ្ញាតជាគោលការណ៍នេះ ធ្វើឡើងក្នុងកិច្ចប្រជុំ​ច្រកចេញ-ចូលតែមួយ ដើម្បីពិនិត្យពិភាក្សាលើសំណើសុំវិនិយោគរបស់បណ្តាក្រុមហ៊ុនមួយចំនួន ក្រោមអធិបតីភាពឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា(ក.អ.ក) កាលពីថ្ងៃទី២១​ ខែវិច្ឆិកា ឆ្នាំ២០២៥។ កិច្ចប្រជុំខាងលើនេះ រៀបចំឡើងក្នុងគោលបំណងដើម្បីបើកកិច្ចពិភាក្សា វាយតម្លៃ ភាពសមស្រប លក្ខណៈសម្បត្តិ វេទយិតភាព និងពិនិត្យលទ្ធភាពនៃគម្រោងវិនិយោគដែលបានដាក់ស្នើមក ក.អ.ក៕